De Kunningsluster carnaval is wir letterlik umgevloge; Prins Rob, adjudant Bart, Evelien en Judith zulle binnekort zeker nog mier dan ins truuk dinke aan eure gezellige regeerperiode euver De Brookhaze. Naodet de sjoelgaonde jeugd (same mit de OJB-hiersers) op de vriedig vur carnaval waas bezoch, zorgde het prinselik gevolg der op vriedigaovend in ut Kepélse hert van Piel & Maas veur det zelfs burgermoeder Delissen op ut verkierde bein woort gezat. Prins Bart & adjudant Rob woorte neet opgemerkt en zodoende wos de ganse gemeinte neet wat ze zooge. Op utzelfde tiehdstip zatte Prins Daan en Prinses Lisa mit eur OJB-Brookhaeskes Kunningslus dudelik op de kaart bej ut tienerbal in Beringe. Naodet de inwendige mins in de vreuge aovend van de zatterdig waas versterkt tiedes ut traditionele aetentje van de Prins, kos men zich opmake vur de irste Poorterparty. Mit optraejes van Rôngk de 55, De Geliënde en DJ Blowie kreeg de ouverture van het carnaval un goed en gezellig begin.

Laes miër...

Kingeroptoch:
1. de Meuge Herderkes              97 pnt
            Thema: mit of zonger bril zeen wae gin verschil
2. de maedjes                     96,5 pnt
3. Anne & Marijn                    90 pnt

Einzelgängers:
1. Trix                             87 pnt
2. de LVK-koe (Viënna Wijnen)     85,5 pnt
3. De Surprice                      85 pnt


Groepe:
1. Los Kamerados    104 pnt
             Thema: de sjien-heilige
2. de Faxclub                   103,5 pnt
3. Los Kamerados 95 pnt


Wages:
1. V.C. Ongekind                  114 pnt
            Thema: wae wage ut d’rop
2. V.G. Neet te misse               101,5 pnt

Mottopries: Femilie Smets

De pletjes kint gae alwir vinge onger fotos.

de filmkes waere now klaorgemakt door youtube

kiehk dalik gerus op http://www.youtube.com/user/Seitbaas

ig bin wir inne Brookhazekoeht um de volgende pletjes te sjeete

Nao een plechtige carnavalsmis (mit un opvallend prominente rol van kleinzoon Brookhaas Derk) waare de Brookhaze mentaal gans klaor vur dé groete daag vur ozze doorluchtige hoegheid Prins Rob 1e. Mer wie kinse ut dan aug verzinne? Bej de Brookhaze drejt ut now al twie jaor mier dan oeit um… eier. Waas ut vurrig jaor Prins Udo 1e waorbej alles kook en ei waas, zo’n 30 jaor geleeje kwame Prins Rob 1e en ziene iets aojere broor Bart bijna op hetzelfde moment as eineiige twieling oeht ut ei gekrope. En umdet eier en vastelaovend now einmaol veul mit elkaar te make hebben, stong ut waarsjienlik in de sterre gesjreeve det ut oeit zo mos zien det zie as hiersers euver de Brookhaze furore zeije gaon make.

Det de keus vur Rob & Bart de Brookhaze gin wingkeier leugt, bleek oeht de massale belangstilling bej eur resepsie in un volle “koeht”. Stipt um 15.11 oohr opende Vorst William en als ein van de irste passeerde hofleveranciers Wie & Gusta Smets in het bejzien van eur ganse femilie de resepsietaofel. Wie & Gusta ware zichtbaar trots op eur “schoëne kloëtjônge” en Rob & Bart kreege names de femilie een toepasselikke klok van eur petekinger. Oftewel zoeas ut klukske thoes tikt, tikt ut nurges… Nao veul gelobby van fanfare EMM (“zeg maar nee, dan krijg je er twee”) waas ut eindelik wir ins gelukt om un Prinselik duo binne de geledere te hebbe. En umdet Rob & Bart vandaag op de kop aaf aug nog uns 22 jaor lid waare van de fanfaar, woorte ze allebei gehuldigd in de “Orde van de valse lôch”. De Aod-Prinse, onger aanvoering van Lutjes, kwame mit un Bourgondisch kado, woenao de jeugd van de OJB-Brookhaeskes met Prins Daan en Prinses Lisa en ut kersverse KBB-paar Noa & Rick via sjoen weurt de heng kwame sjudde.

Laes miër...